【入四森林差電】純凈之地:波光潾潾瑞士琉森湖

回港前的最後一個地點刻意安排靜心之地,因為想精精神神返港,今次意大利之旅竟然發生一件好難係我身上見到嘅事,就係:肥咗!(無計,次次都食過7分飽真係好易中招,返到香港慢慢減啦)


踏進純凈之境琉森湖

來到琉森湖,必然選擇臨近湖邊的酒店好好放鬆身心,靚湖景、米芝蓮餐廳、一年4季可以游嘅30度恆溫泳池、水準極高的按摩、SPA等的5星享受,先感受一下宏偉靚景!

湖邊城堡般酒店
Park hotel vitznau lucerne
地址: Seestrasse 18, 6354 Vitznau, 瑞士
酒店共有兩間米芝蓮餐廳,玻璃屋裝潢榮獲一星的這間叫Prisma
記得睇到最後!

意大利之行住過咁多間酒店,Amalfi有地中海風情,Il Borro有田園風光,Florence 有意式浮誇,Venice有貴族氣派,一間酒店成功所在由酒店前台服務、陳設裝潢品味、潔淨程度至餐廳用膳體驗等等亦是一種擴闊眼界的參考,當然你可以話:「車,有錢咪得囉!」No-no,同是五星酒店,也有高低之分,這次入住的Park hotel vitznau lucerne 一些細節位能照顧週到。在歐洲喝中國茶,通常只有歐式茶杯,但Park hotel 的米芝蓮餐廳Focus 竟然Serve with兩款茶杯,西式中式任君選擇!(我怕凍,喝茶拿茶杯很暖手)。Attention to details 好緊要,將呢種細心放係工作、待人處事會加好多分,品味並唔係用只靠金錢堆砌。

看似沒有很特別的小茶杯,卻令我感到酒店的細心至最
晚餐到酒店的米芝蓮2星餐廳,非常精緻

由Head Chef Patrick Mahler 帶領下的餐廳 Focus 在2019年榮獲米芝蓮的2星殊榮,而在整個瑞士只有20家餐廳能夠獲得此銜頭。

圖:網站的圖片超精美!可看到右邊的菜式帶有大自然元素。

slideshow:酒店instagram裡的更吸引的foodie相

酒店另一件最深得我心嘅係30度的恆溫泳池同埋Spa房!

泳池望返出去的景觀
半露天30度的出哂煙的泳池,巴閉到連落雪都游得水
Spa入面配備非常豐富有暖氣休息室、冷房(ice grotto)、熱房(Sanarium),還有足用的bath(Kneipp foot baths)
挑戰-10度冰洞大敗走
水族館都有!
整個spa 的環境,片尾可看到男女共用的common area 
按摩師傅全是瑞士人,高大有力,非常有水準!
Lake view 房間,太貴啦,最普通的500sqft的湖景雙人房,一晚索價$10000
湖景總統套房 $40000 HKD 一晚起

傳說中的琉森湖究竟有幾靚?

琉森湖(Lake Lucerne)位於瑞士中部,處於四森林州之間。因其優越地理位置利於進出瑞士各大城鎮,無論到Zurich、Bern、Zermatt和Interlaken等旅遊勝地只是1-3小時內可以到的距離。


自駕萬歲:
靚山梗有一座係左近

湖岸邊有唔少宏偉高山,如Pilatus、Stanserhorn、Rigi Kulm等,不過去得呢幾個山都要牽一髮動全身(同埋最靚坐纜車嘅時機係睇雪山,唔啱季節),所以我同老公就prefer 還湖遊下山水,開個Google Map 篤下附近有咩山,上去都係數十分鐘,停車欣賞下已經餵飽我地對眼啦。

圖:紅線為 Lucerne出發沿湖駕駛

專登帶 sacai 件褸襯返仙境
沿路風景

市內小觀光

市內觀光時天氣都不算好,陰陰天有點小掃興,想影到at least 正常面口的相可以用支燈仔出下貓先~

加LED:有返面口
未加:陰影面
片尾看到的是教堂橋(Kapellbrücke)
於西元1333年時為了防禦而建造,是歐洲現存最老的木橋。
橋裡面有約一百二十幅於十七世紀時所繪關於琉森歷史的畫,不幸地,教堂橋的大部份於1993年因撞船意外發生的火災中燒毀,事後很快得以重建,回復原來的樣貌。
雨天下的琉森市
以一張好天氣高空下的琉森市內作結

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s